Snillingur en sér á báti.

Ekki veit ég hvort Phil sé sekur. Ekki frekar en ég viti hvort Michael Jackson eða O.J. Simpson séu það. En vissulega vitnar sagan gegn Spector. Hann er byssufrík og eru til ýmsar sögur af honum því tengdar. Hann mun hafa ógnað Leonard Cohen með byssu til að undirstrika skoðun sína. Í eitt skiptið stakk hann byssunni í háls Cohens og sagði " Lenni, ég elska þig" Leonard svaraði " Filip, ég ætla rétt að vona það".  Hann lét bassaleikarann í Ramones spila undir gapandi skammbyssukjafti. "Spilaðu almennilega, helvítið þitt!"  Hann stal segulböndunum af rokkplötu Johns Lennon sem hann var að vinna með honum. Tók Lennon ár að fá þær aftur til að klára plötuna. 

En verandi upptökustjóri sjálfur verð ég að segja að ég skil Phil Spector nú vel. Sérstaklega stundum. Nú standa yfir söngtökur á Millaplötunni.  

Kalli 

Dánardómstjóri segir Lönu Clarkson ekki hafa framið sjálfsvíg

Athugasemdir

[Kjartan Valdemarsson, 30.5.2007 kl. 10:18]

Er SG loksins byrjadur ad syngja?

[Jens Guð, 30.5.2007 kl. 23:14]

  Það hafa varðveist upptökur af því þegar Phil skaut að John Lennon í miðju rifrildi í upptökum á Rock n´ Roll plötunni.  Ég hef heyrt þessa upptöku.  Lennon er blindfullur og öskrar um leið og skotið flaug framhjá honum með tilheyrandi hvelli:  "Ef þú ætlar að drepa mig þá skaltu skjóta á mig.  En ekki eyðileggja í mér heyrnina.  Ég þarf á henni að halda!"

 Phil játaði strax á sig morðið á þessari leikkonu.  Það var löngu síðar sem hann tók upp á því að þræta fyrir það.