Mér detta nokkrir gagnrýnendur í hug..

Mikið væri gaman að sjá þessa mynd. Mikið skil ég hann Lars von Trier. Kannski verður maður eins og Lars von bráðar. Á maður nokkra von? Rugl er þetta. Ekki nema von. Klukkan orðin miklu meira en tólf. Tíminn pípuhatt sinn tók er píanistinn sló sinn lokahljóm.

Lúðrar hafa verið leiknir í 6 lög. Þar á meðal nýja Laddalagið og sumarhittarann hans Ragga. Allt að gerast. 

Kalli

Lars von Trier drepur gagnrýnanda með hamri

Lágtíðnin lögð inn

Jæja, loksins hefur tekist að koma lágtíðninni inn á plötuna. Það reyndist okkur Kalla frekar erfitt að púsla saman tímasetningum, því honum hentaði best að taka upp á daginn, en mér á kvöldin.

Ástæðan fyrir því að dagarnir eru erfiðir fyrir mig til upptöku er að þá er ég að passa fyrir konuna mína. En þetta hafðist allt að lokum. 

Örlítið læddist með af miðtíðni í leiðinni, en nánast ekkert hærra en það.

Birgir

Góð fyrirsögn

Það hljóta fleiri en ég að hafa hrokkið við. Ég hélt reyndar í smá stund að ég væri að lesa Baggalút. Talibani í Bandaríkjunum. Hann verður þar til að reyna að slaka á og grennast. (Hljómar reyndar eins og það sé verið að henda honum í fangelsi. Þar fær hann góðan kúr, brauð og vatn. En svo var þetta auðvitað ekki talibani heldur virðulegur forseti sem að ber hið ágæta nafn Talabani. 

 

Kalli 

Talabani í Bandaríkjunum næstu þrjár vikur

Kallinn, meiri íslandsvinur en talið var..

Hvað getur maður sagt? Nýjasta plata Pauls McCartneys kemur í næsta mánuði. Fyrsta sólóplata Hilmars Jenssonar kom út fyrir mörgum árum...

Er Paul að stelast til að hlusta á avantgard fríjazz frá Íslandi? Þetta er allavega sláandi líkt. Meira að segja titlarnir eru á sama stað á umslaginu. Kannski komin hugmynd að Millaumslagi?

Kalli og Birgir

McCartney ekki í hljómleikaferð fyrr en gengið hefur verið frá skilnaði

Þættinum hefur borist bréf

á ensku, nenni ekki að þýða, ég er djúpt sokkinn í lúðraútsetningar.

Dear Abby. I think my wife is cheating on me. I am a working musician and as you would expect, I travel a lot. I have been noticing strange things happening when I get home. Her mobile phone rings and she steps outside to answer it or she says, "I'll call you back later". When I ask her who called she gets evasive. Sometimes she goes out with friends but comes home late, getting dropped off around the corner and walking the rest of the way. I once picked up the extension while she was on the phone and she got very angry. A mate of mine plays guitar in a band. He told me that my wife and some guy have been to his gigs.

He wanted to borrow my guitar amp. That's when I got the idea to find out for myself what was really happening. I said that he could use my amp but I want to hide behind it at the gig and see if she comes into the venue and who she comes in with. He agreed. Saturday night came and I slipped behind my Marshall stack to get a good view. I could feel the heat coming off the back of the amp.

It was at that moment, crouching down behind the amp, that I noticed that one of the power stage valves wasn't glowing as brightly as the other three. Is this something I can fix myself, or do I need to take it to a technician? Thanks Very Concerned.

Kalli

Hugljómun

Spurning um hvort hér sé komið nafn á nýju Millaplötuna. Í ljósi þessarar fyrirsagnar um Myrkradansarann og færslu sem ég gerði um Ska óperuna. Nafnið er Mambóperan. Pæling. Eða eins og Gummi Steingríms myndi segja: Pæling. 

Kalli 

Myrkradansarinn verður ópera

Barði og ég.

Ég hef þekkt Barða lengi. Síðan í hlíðunum. Ég var að reyna að semja heimsfræg popplög. Enda 13 ára og búinn að vera lengi í bransanum. Barði var bara skrítinn 10 ára strákur að gera skrítna tónlist. Með árunum fór ég að keppa í músktilraunum. Barði fór að gefa út kasettur. Skrítnar. Ég fór að spila með ýmsum hljómsveitum með mér eldra fólki. Og samdi lög fyrir mína stóru skúffu. Barði stofnaði sína eigin hljómsveit og fór að gaf út diska með lögunum sínum. Stundum hringdi hann í mig og fékk mig til að spila eitt og eitt píanó inn á lög fyrir sig. Og einn daginn hringdi Barði í "Símanúmer í útlöndum" og fékk símann hjá EMI í París. Hringdi þangað og pantaði fund. Keypti sér miða, mætti á fundinn og fékk sér útgáfusamning.

Okkar leiðir lágu aftur saman í söngleiknum Fame þar sem við vorum fengnir til að sjá um tónlistina. Gaman að kynnast honum betur. Barði er eins og þegar hann var tíu. Alltaf jafn skrítinn. Hann hefur lítið breyst. En hann er ótrúlega fókuseraður og ósérhlifinn. Duglegur strákur. Sem nær markmiðum sínum. Hann er ekki allra. En það myndi hann ekki vilja.

´
Ég er ennþá að fikra mig áfram með að semja lög. Enda 34 og búinn að vera lengi í bransanum. Barði er bara skrítinn 31 árs strákur sem er búinn að stofna útgáfufyrirtæki í New York. Ég myndi ekki vilja skipta við hann. ég skemmti mér vel í mínu lífi. En gott væri að hafa eitthvað af hans staðfestu og elju. 

 

Kalli 

Barði verðlaunar með Íslandsferð

Timberland? Tekið upp?

Fyrirsögnin er Timberland og Biel taka upp samband. Vonandi verður henni breytt. Maður tekur ekki upp samband. Er það? Nema maður sé upptökumaður. En svo segir í fréttinni að þetta sé ekki Timberland (sem er reyndar fatnaður) heldur Timberlake, Justin. Og þá væntanlega ekki Timbaland sem vann með Björk okkar íslendinga á síðustu plötu. En ég er ánægður fyrir beggja hönd. Og Britney búin að sjá ljósið . Og Milljónamæringarnir bara eftir að spila bassa á tvö lög. Svo hefst brass á mánudag. 

 Kalli

Timberland og Biel taka upp samband

Að sjálfsögðu

Að sjálfsögðu fékk Geir umboð til stjórnarmyndunar þar sem hann er eini flokksformaðurinn sem hefur sungið með Millunum. Og ekki bara einu sinni. 

Reyndar þegar ég hugsa um það þá er Sjálfstæðisflokkurinn eini flokkurinn sem Millarnir hafa spilað fyrir. Og það meira að segja mjög oft. Getur verið að nafnið fæli hina frá? Vinstri-græn(ir) telja sig ef til vill af grundvallarástæðum ekki geta ráðið Milljónamæringa til að spila fyrir sig. Hugsanlega ekki aðrir flokkar heldur.

Kannski ættum við að bjóða upp á mismunandi nöfn á sama hátt og við bjóðum upp á mismunandi söngvara. Það gæti auðveldað flokkunum að ráða okkur til að skemmta sér.  Framsóknarflokkurinn gæti til dæmis beðið um Bogomil Font og Bændasynina. Frjálslyndir gætu fengið Bjarna Ara og Innflytjendurna.  Vinstri-græn(ir) gætu óskað eftir Nuno og Náttúruverndarsinnunum.

Slagorð Millanna gæti þá verið "Ný nöfn - nýir möguleikar".

Birgir

Fyrsti formlegi stjórnarmyndunarfundurinn að hefjast

Þetta er ég að tala um

Ég er nýbúinn að gera færslu um Everest tindinn. Það hafa allir klifið hann og amma þeirra líka. Og barnabarnabörn. 14 ára stúlka þeirra yngst. En ég er að átta mig á því að reikniskúnstir mínar hafa ekki verið réttar. Ég fann það út að fyrst 2000 manns hefðu komist á toppinn og 200 manns farist, þá færust 10% af þeim sem leggðu af stað. Það er ekki rétt. Okkur vantar upplýsingar um hversu margir reyna að komast á toppinn. Það er örugglega ákveðið hlutfall sem leggur af stað en kemst hvorki á toppinn né deyr í tilrauninni. Jafnvel stærsti hlutinn. Nei, segi nú bara svona. Jæja Kalli minn, ekki reikna, bara spila.

 

Kalli

 

19 ára stúlka kleif Everest